لما تجيك دعوة الى حضور حفل زفاف لاحد الاشخاص
فإن الحريم في المنزل يعلنون حالة الطوارئ في اليوم الموعود
فتلقاهم صافين طابور عند باب الحمام .. من أجل أخذ دش بارد بسـرـرعه اطـلـ ع يـ
<<< لانهم مؤمنات بالقاعدة الفيزيائية
التي تقول : ان الاجسام تتقلص بفعل البرودة
ثم يذهبون الى غرفة العمليات
فتحصلهم مايخلون مراية في حالها ..
** فتلقى منيرة عند مراية التسريحة تتمكيج
** وخلود عند مراية الدولاب تركب عدساتها
** ورقية عند مراية المدخل حق البيت تستشور شعرها
** وفاطمة محتارة أي فستان تلبس
وكلما اختاروا لها فستان ..
قالت : لا .. قد شافوه عليّ
** ورغد تترجى اخوها : تكفى ود فستاني للمغسلة
وقول لهم يخلونه مستعجل
** وابتسام متوهقة مالقت الحلق اللي يناسب لون فستانها
** وشوق تقول لاخوها : تكفى مر على جارتنا
وخذ من عندها الاكسسوار التفاحي
** ورحاب .. انفرط سحاب فستانها .. وتبي الخياط يصلحه
<<< والله من السمنة الزايدة
وصجة .. ولجة .. وحوسة ...
وكلهم في سباق مع الزمن ..
( طبعا ياعيني عالرجال .. ثوب وشماغ .. وانتهت السالفة )
يالبيييييييييييه يا حنا يا قلبي علينا
بعد ذلك .. يركبون السيارة بعد ما بح صوت ابوهم
وهو يناديهم ..
** والمصيبة اذا اخذوا مسافة بالسيارة وجتك فاطمة
تشهق شهقة قوية .. ويقولون :اشفيييييك
وترد عليهم :
نسيت شنطتي تكفى يبه رجعنا للبيت
وبعد عناء طويل يصلون الى القصر ويدخلون
ومن يوم تبدأ الطقاقة بقرع الطبول
تلقى الوحدة تهزّ ..
وتهتز وهي لسّا باقي على الكرسي
ثم يتوافدون إلى المسرح وشف الرقص كيف
** اللي تحط رجلها من شرق المسرح الى غربه
ولا احد يدري وش بلاها
** واللي تهز وهي واقفة مكانها بركادة .. وعلى بالها أنوثة ..
وتعال شفهم اذا غنت الطقاقة .. ( نـاويلك ..على نيه )
تبدا بدخول حالة هسـتيريا
وقالت : اذا ماعلقك فيني وهواك يصير في ايديا ..
تلقا الحريم فعلا ماخذين
والوحدة فيهم بتتشقق من الفرحه اذا جت الطقاقة بجنبها
وقالت : ( يا احمر يا احمر .. عاشو .. على قلبي )
<<< طبعا الافندية فستانها احمر ..
** وتلقا ثنتين هناك يرقصون نفس رقص العراقيات
وطبعا العجايز منصدمات .. ومافيه الا قوة دعاوي على هالبنات
** واذا جت اغنية مصرية ..
تلقا الاغنية والايقاع في وادي ..
والرقص في واد آخر
الا من رحم الله ..
<<< واللي تعرف ترقص مصري .. تلقى البنات يتشحثونها تقوم تهــز
وهي ترفض ..
طبعا من حقها .. تخاف يصكونها بعين على كيفك
والوناسة اذا قالت الطقاقة : ( رقصة خاصة لاهل العروس )
تلقاهم يستلجون اذا قالت : ( كل آل ' فلان ' خيّالة )
<<< وهم في الحقيقة .. لم يركبوا حصانا قط ..
بس يالله لزوم المدح
.
.
والله صــرآإآإآإآإح ــه البنــآإآإآت شغــله وقت العـــرس ودنا مشغــل وحـووسه
<<< اسالوا مجــرب
ولا تزع ــلووون يابنآإآإآإآت تـراها مزووح <<< خــلآص انت انتهى وض ــك تم صدور حــكم الاعــدام عــليك
لاتحــرمونا من ردوودكــم
تحــيآإآإآإتـي لكم ..}
الرئيسية 
أحدث الصور 
